NPF Phek Division-i C Apok yaritsü ayongzüker

Dimapur, Monupii (May) 14 (TYO): Monupii (May) 14, 2018 nü NPF Phek Division senden ka amendang taruba Lok Sabha by-election nung NPF candidate C. Apok Jamir pusema nungittsü lemtet.
Sendenji Dr. Chotisuh Sazo’er kidang amen aser MLA pezü den taoba election nung takok mongutetba candidate, Central Executive Council züngsemtem, Central office bearers den Frontal organizations, Division office bearers, Frontal heads, Area Unit Presidents aser General Secretaries aden.
Phek district nung alirtemi NPF dak temulung lema district nung menden pungu aliba nungi pezü nung takok ngudaktsüba atema NPF Phek Division-i vote agütsürtem dang pelaba metetdaktsü.
Senden nung adenertemi NPF Tir Dr. Shurhozelie Liezietsu aser NLA nung Opposition lennir TR Zeliang na lenisüba pusema nungiter ta bangzüng renem.
Monupii (May) 28, 2018 nü Lok Sabha by-election nung NPF candidate C. Apok Jamir nem vote agütsütsü atema mepishir. India Parliament nung Naga nunger taginüba aser teimla atema noktaktsü atema NPF nem vote agütsütsü ayongzüker, ta NPF Phek Division-i metetdaktsü.