Moreh nung Myanmar nunger nisung 10 apu

Imphal, Monupii (May) 14 (Agencies): Moreh jila nung Tentonü Myanmar nunger parnok nisung 10 kuli kaket tejangja mebeni India-i aitsü meranga lia puogo, ta police temi metetdaktsü.
Police commandos temi apuba parnok ter rongnung tetsür pongu aser tebur pongu lir. Myanmar nunger senzüsempongtsü asoshi kuli kaket yanglutsür dena puogo, ta police temisa metetdaktsü.
Myanmar nunger parnok ter prongla ya Moreh police ket nung bendanga agütsüogo.
Chief of the Naval Staff aser Chiefs of Staff Committee mendenbuba Admiral Sunil lanba-i Tentonü nungi tenzüka anogo pezü tsüngda Northeast nung state kar semdangtsü aliba dak sendakba nung security akangshiogo.
Tawa Moreh police-i Rohingya nunger kar, China nunger ka aser Myanmar nunger kar ta Moreh len nungi India-i aitya alirtem puogo.
Kasa mapang nung Admiral lanba IAF helicopter ka nung mener Amungnü Imphal-i aruogo. Pai Tentonü Moreh jila nung Integrated check post semdanga asadangogo.