Süngkotenem Angling Festival nung ango seret 6.1 apu

Dimapur, Sept. 03 (TYO) : Mokokchung district kübok Süngkotenem awatsüng nung ‘Süngkotenem Angling Festival’ mapang Chuchuyimpang nunger Taliyanger-i tanü ango tulu ka seret 6.1 touzük puogo. Iba yagi taoba küm ango seret 5.2 touzük pua aliba ajangtetogo.
Mopungchuket yimtak küm shia Süngkotenem ango mesüba benjong tenzüker tanü apuba ango yasa tulutiba puogo ta Mopungchuket Community Tourism Society (MCTS) nung Convener Dr. Aoyimsen Jamir-i sangdong ka ajanga metetdaktsüogo.
Iba ango mesüba benjongmong ya taoba August 29 nü tenzük aser September 5 tashi alitsü, aser iba benjong ya MCTS-i ayongzüka amunger.