ADC & Medical Board Chairman, Mokokchung-i sangdonger

Mokokchung, Monupii/May 17 (TYO): Tanü Additional Deputy Commissioner & Chairman Medical Board, Mokokchung, W. Manpai Phom-i sangdong ka ajanga, medical ground nung ajemdaker taruba Lok Sabha, 2018 bye election duty nungi sodi meshia alir sorkar mapa inyakertem dang Monupii/May 19, 2018 anepdang 10:00 ako nung Superintendent of Excise Office, Mokokchung matsüngdangi arutsü metetdaktsüogo.
Election duty nungi sodi meshia alirtemi medical board nem medical investigation reports agutsütsüla. Board matsüngdangi marura sodi memeshi ama züngshitsü, ta kasa sangdong nung shia lir.