Mokokchung nung Ex-Servicemen den sensaksem senden aka

Dimapur, Monupii 17 (TYO): Sepai mapa nungi anisüngzüka alirtem nem akhum agütsüba nung shilem ka ama aser Indian Army indang “Year of the Disabled Soldier in the Line of Duty : 2018” outreach campaign sentong ka ama Prasidhan Hall, Mokokchung, Nagaland nung Mokokchung aser Longleng district nungi Ex-Servicemen tem den sensaksem sentong ka Monupii/May 17, 2018 nü ayongzüka kaogo.
Iba sentong nung Ex-Servicemen 168 aser parnok kibongtem arua aden aser Mokokchung Deputy Commissioner, Sachin Jaiswal, IAS tongti temsedanger liasü. Kasa sentong nung Army ketdnagser, Civil administration aser Mokokchung indang Zila Sainik Welfare Officer (ZSWO) nungertem arua aden.
Armed forces telemsa asem nung taoba mapang tenzüka alirtem den iba sentong nung Central aser State sorkari welfare scheme balala agütsüba indang osang lemsatep. Maneni iba sentong nung regularization of pension & resolution of pension anomalies aser timtem balala ajuruba indang Jorhat Sub Area nungi arua lemsatepa liasü. Maneni iba sentong nung Ex-Servicemen Contributory Health Scheme (ECHS) temzüng aser ECHS Card tasen agütsüba indang ketdangsertemi rasaa ashi.
Iba senong nung ZSWO Mokokchung-ia Ex-Servicemen den parnok tebilemtsütem lemsatepa liasü.
Ex-Servicemen tem, talisa temang nung timtem aliba sepai tejentem den parnoki timtem ajuruba aser pension maparen nung tetsükdaktsü ajurubatem lemsateptsü ayongzükba liasü, ta Col C Konwer, PRO (Defence) ajanga sangdong ka nung ashi.