Sergei Skripal mozü kidang nungi aluogo

London, Monupii 18 (Agencies) : Russia nunger taoba itdangiter, Sergei Skripal shiba taoba Metsüremi/March ita Britain nung lia mim amshia tepsettsü merang, pa mozü kidang nungi aluogo, ta tanü Rogonü England health service ajanga osang ka metetdaktsü.
Skripal ya taoba Metsüremi/March 4 nü par jala den külemi linük anüolentip tsütsü Salisbury yimti nung menden ka nung süchia oor lia angu.
“Salisbury District Hospital nungi alutettsüsa Sergei Skripal temang junga akümbaji tesüngmangtsü osang ka lir,” ta iba mozü ki nungi chief executive, Cara Charles-Barks-i metetdaktsü.
Pa anema ‘nerve agent’ amshibaji Russia nungeri maparen liasü, ta Britain-i aitsüogo aser iba dak sendakba nung ajemdaker United States densema anüolen tsütsü aliba kintemi Russia nunger diplomats 100 dak tema meindok.
Aji oda süaka, Skripal dak mim amshiba maparen nung Russia nungeribo parnoki kecha shilem agia mali ta ashir aser meyiper parnokia anüolen tsütsü alirtemi inyakba ama inyak, ta kasa osang ajanga metetdaktsü.