Taoba APSC züngsem Doley puogo

Guwahati, Monupii (May) 18 (Agencies): Bhangagarh police-i taoba Assam Public Service Commission (APSC) züngsem Basanta Doley puogo.
Doley yagi APSC candidate tem indang mark yanglushitsüba aser ajungkettsüba atema tai tonglokja lir. 2014 küm Agriculture Development Officer (ADO) mapa atema tatidang agütsürtem pai ozüng alema yari.
Pa anema IPC nung Arrla 120(B), $20 aser 468 kübok aser ano Prevention of Corruption Act, 1988 nung Arrla 13(1)(A)(D) (iii) aser 13(2) kübok ken o benokogo.
Forensic bushisüngdangba ajanga candidate tem indang optical mark recognition (OMR) sheets 27 nung temelenshi sür liasü. Candidate temji 2014 küm ADO examination agütsürtem liasü.
Doley-i süpokrem agütsür candidate tem indang marks yanglushitsü ta report nung shia lir.
Doley ya iba ken o nung tanaben apur asütsü. November 2016 nung pa Dibrugarh police-i apu aser bail nung chioka liasü.
Bedanta Bikash Das ta ser nisung kati FIR ka benokba sülen pa apu. ADO mapa atema pa dang sen lakh 15 meshi ta Das-i ken o benokba nung shia lir.