Zakhama nung Ex-servicemen rally agiogo

Dimapur, Monupii/May 18 (TYO): Indian army kübok Red Shield Division-i Rajya Sainik Board of Nagaland den senteper Monupii/May 16, 2018 nü Zakhama Military Station nung ‘We owe it to You’ omen nung ajemdaker Ex-servicemen rally ka ayongzüka liasü. Iba sentong ya talisa 2018 küm ‘Year of the Disabled Soldiers’ atemzüker inyakba dak sendakba nung matamabensar sepaitem nem awareness agütsütsü atema ayongzüka agi.
Iba rally nung district balala nungi ex-servicemen aden.
Iba sentong ayongzükba nükjidongji state nung ex-Servicemen nem akhüm agutsütsü aser parnok welfare atema liasü, iba denji külemi Army temi taoba mapang sepaitem aser parnok kibongtem atema bilemja inyakba sayutsü atema ayongzükba liasü.
Iba rally nung ATMA Kohima district nungi ketdangser troki shilem agia aden aser ATMA Technical folders lemja liasü. Ano Horticulture dept., Kohima-ia taseptsü nung aonsotsü metsühjang lema agutsü.
Cooperative Society nungi SHGs 5-i shilem agia parnoki züsentetba, teka mapa balala aser sobaliba sobutsü balala yoka liasü. Brigadier aser par ketdangsertemi iba rally nung shilem agir ajak dang pelaba lemsatepogo.