Dimapur Task Force Committee senden ayongzüka menogo

Dimapur, Monupii/May 18 (TYO): Gram Swaraj Abhiyaan kübok taruba Mission Indradhanush programme dak sendakba nung Monupii/May 17 nü DCs conference hall Dimapur nung Deputy Commissioner Dimapur, Sushil Kumar Patel (IAS) leniba nung Dimapur Task Force Commitee senden menogo.
Tanabuba Intensified Mission Indradhanush sentong Monupii 21-25 tashi akatsü.
Senden nung Dimapur DC-i medical department-i Dimapur kübok yim 82 nung iba sentong mezüngbuba round ayonga mapang shidak nung agiba atema tenüngsang agutsü. Dimapur district kübok yim 250 shi lir, ta shia Sushil-i tanüngba yim 200 ayimjemtsü atema asalentong renema alitsü metetdaktsü.
Iba programme ya kanga tongtibang, ta shia Patel-i, “Tanurtem lanuwa yongi temang anema lira arishi piyong anema alitsü,” ta ashi.
Kasa senden nung District programme officer (UIP/RCH), Dr. Rebecca Y. Sema-ia district administration, NGOs aser media dang iba sentong takok angutsü atema amalitepa inyaktsü mepishia metetdaktsü.
Special IMI nükjidong metetdakja lai, India sorkari tanurtem immunization coverage ji shilem 90 tashi asütsü nükjidong lir, ta shisem.