Army Commander-i India-Myanmar arrtsülen Forward areas semdang

Kohima, Monupii/May 20 (TYO): PVSM, UYSM, AVSM, SM, VSM, General Officer Commanding-in-Chief, Eastern Command, Lieutenant General Abhay Krishna-i Spear Corps Zone semdangba sentong dak sendakba nung Monupii/May 20, 2018 nü Nagaland nung India-Myanmar International arrtsülen Assam Rifles operations maparen asadangogo, ta tanü Amongnü Col C Konwer, PRO (Defence)-i sangdong ka nung metetdaktsü.
General Abhay Krishna-i operational assessment agiba dak sendakba nung Lungwa nung forward Assam Rifles post aser Tuensang nung Assam Rifles Sector Headquarters naprong semdangogo.
Item tesem nung Assam Rifles commander temi General dang parnok inyakba operation dak sendakba osang tongmelang agi metetdaktsü.
General Officer-isa item tesem nung lisopurtem den jembi. General Krishna-i semdangba mapang nung Lieutenant General Gopal R AVSM, SM, General Officer Commanding Spear Corps-i pa meina liasü.
Assam Rifles sepaitemi meranga inyakba agi melung süa parnok nem tenüngsang agutsüba sülen nikongdang General Abhay Krishna Kolkata-i apusoa ao.
Union Defence Minister, Nirmala Sitharaman-i Spear Corps Zone semdangtsü sentong liasü ajisüaka ajungben sentong ka aliba ajanga la marutet.