Wokha police-i nisung ka apu

Wokha, Monupii/May 20 (TYO): Uriamghat Police Station nung benoka aliba ken o ka dak sendakba nung Wokha Police-i hopta ka tashi maneni meranga bushisüngdangba sülen tatemsa Monupii/May 19, 2018 nü nisung ka tenüng agi Mankara Topu puogo, ta osang ka ajanga metetdaktsü.
Arishi küm 50, Topu ya Ranchi, Bihar nungi asür Jakat Topu’er jabaso aser Mazagaon/Yanpha, DAB sector-B Ralan nung telidak liasü.
Osang kar nung ajemdaker UBI Akumnungsang OC leniba nung Ralan PS-i yashi Topu ji Mazagaon/Yanpha nung par kidang lia apu.
Monupii 15, 2018 nü DAB Sector-B, Ralan, Nagaland nung mejangjaba nisung ka (non-local) kolak nung zübo keter tasümang anguba sülen inyakyim ajak tembanga tasümangji postmortem atema OC, Uriamghat Police Station ket nung agüja liasü, aser iba dak sendakba ken o nung Wokha police-i Topu puogo.
Tamasabo nisung tepsetbaji Naga nungeri südi ta Assam nungeribo melung melemi liasü, ajisüaka aibelensang apuba ajanga Assam-Nagaland tsüngda tensa raksatsüsa aliba tensa süngjemogo.
SDPO Wokha-i, iba ken o bentettsü tasak liasü, aser item ama ken o atema inyakdang police ketdangsertem dak aliba sempet tendanger, ta ashi.
Ajisüaka Ralan OC aser par teloki kanga meranga maneni bushisüngdanga inyakba ajanga mapang tatsüka nung iba ken o bentetogo.