Tamil Nadu state nung temang shilem tenlar timba

Tamil Nadu state nung nisung 683 tashi pei temang shilem tenla agüja nüngdakbapur nisung 3000 dak tema yariba osang ka Tamil Nadu Health Minister, C Vijaya Bhaskar-i taoba 2015 küm August ita 13 nü Organ Donation Day anogomong amongang metetdaktsü.
Tamil Nadu nung alir pei temang shilem tenlartemi tanü tashi nung temulungjang 144, temesen 636, Tezüngjang 1233, tepokpok 69, Tepa 4, Temulungjang 618, nükjang 1,032, teküp 22 aser blood vessels 2 tashi tenlaba osang bushiteta lir. 2008 küm nungi tenzüka, Transplant Authority of Tamil Nadu (TATN)-i par state nung iba nübur taküm kümzüktsü mapatong tajungji ketdangsüa inyakba osang jangjaogo.