Mkg DCC pur May 23 nü sanen luden rongdak senden jateper

Mokokchung, Monupii/May 21 (TYO): District Congress Committee, Mokokchung pur emergency executive meeting ka Monupii/May 23, 2018 nü nikongdang 1:00 ako shitak nung parnok party office nung akatsü sangdong ka ajanga metetdaktsü.
Iba senden nung NPCC official shirnok tang Mon aser Tuensang district nung election campaign asoshi jajadar, parnokji arua adentsü, ta DCC Mokokchung General Secretary (Admin), P. Aley aser Tir, Watimongba Aier nati yokba sangdong ka ajanga metetdaktsü.
Iba senden ya tongtibangsa taruba Lok Sabha election koba Monupii/May 28, 2018 nung agitsü lir, iba onük dak sendakba nung jembitsü. Taruba election nung ya Congress High Command ajanga secular party pusemtsü asoshi tetuyuba agüja alinung, iba dakji ajemdaker NPF official candidate, C. Apok Jamir pusemtsü, ta parnokisa metetdaktsü.
Anungji, Mokokchung district nung aliba NPCC züngsemtem, senior Mahila züngsemtem aser Youth ketdangpurtem, Seva Dal, Kisan Cell, Assembly constituency 10 nungi ACCC President aser Secretaries-tem, DCC official ajak iba senden nung arua adentsü kasa sangdong nungsa metetdaktsü.