GST indang National Workshop den repsema Seminar agitsü

Kohima, Monupii/May 21 (TYO): Department of Commerce, Nagaland University, Kohima Campus den National Institute for Electronics & Information Technology (NIELIT) Kohima-i senteper Monupii (May) 22-23, 2018 anogotem nung NIELIT, Kohima nung anogo ananü “Goods and Services Tax (GST) in India” indang National Workshop den Seminar repsema agitsü, ta tanü Committee National Workshop-cum-Seminar on “GST in India” Convenor, Dr. Ratan Kaurinta-i sangdong ka nung metetdaktsü.
Seminar den Workshop ya linük atema kanga tongtibang aser nüburtemi GST indang meteta alitsü atema awareness agutsütsü nüngdaker, ta paisa ashi.
Organising Committee convenor, Ratan-isa iba sentong ya Tentonü (Hombar) anepdang 10:00 ako nungi tenzüktsü, ta metetdaktsü.