NHAK-Naga Bazaar-Tinpati bye-pass nung gari senzütsü melar

Dimapur, Monupii 22 (TYO): NHAK-Naga Bazaar-Tinpati bye-pass lenmang nung gari senzüba nokdanger ta Rongchii/April 11, 2018 nü Deputy Commissioner, Kohima ajanga sangdonga liasü aser iba tenokdangba ya agiener, ta Deputy Commissioner aser RTA Kohima mendenpuba, Rajesh Soundararajan IAS-i metetdaktsü.
Executive Engineer, PWD (R&B) South Division Kohima ajanga lenmang yanglushiba maparen renemba ajanga iba lenmang ya tang nungi akhi ama amshitsü lapokogi, ta sangdong nung shia lir.
Saka iba bye-pass lenmang nung gari tulutem (heavy vehicles) senzütsü memelar. Anungji senzüsembonger aser nüburtem ajaki iba sangdong nung aliba ama inyaktsü metetdaktsür, ta Kohima DC & RTA ajangasa metetdaktsü.