ECI-i Polling station 309 nung polling mapang melenshitsür

Dimapur, Monupii 22 (TYO): Nagaland nung Monupii/May 28 nü Lok Sabha bye-election agitsü aliba asoshi Election Commission of India ajanga state nung district toku kübok polling station 309 nung mapang melenshitsüogo.
1-Nagaland Parliamentary constituency kübok Peren district nung polling station 22, Phek district nung polling station 13, Mokokchung district nung polling station 40, Zunheboto nung polling station 3, Wokha nung 78, Mon nung 93, Longleng nung 13, Tuensang nung 23 aser Kiphire district nung polling station 24 nung poll mapang anepdang 7:00 ako nungi nikongdang 3:00 ako tashi alitsü.
Item polling station tem, koba dang P-2 polling station ta ajar, item nung ketdangsütsüpur ajak dispersal centre (District Hq.) nungi election agitsü anogo ana jelia lia apusotsü. Tanüngba polling station ajak nung poll mapang akhi ama kasa alitsü.
Commissioner, Nagaland aser 1-Nagaland Parliamentary Constituency atema Returning Officer, Motsuthung Patton-i iba temelenshi ya political party anaprong aser candidate anaprong nem metetdaktsüogo, ta sangdong ka ajanga ashi.