NSCN/GPRN (R)-i metetdaktsür

Dimapur, Monupii (May) 22 (TYO): Kohima jila aser temeket nung NSCN (R) züngsem aser tangartemi dokantem nungi ozüng alema sen saruba osang angazüker, ta M.I.P. NSCN/ GPRN (Reformation) sangdong ka nung metetdaktsü.
Tax saruba mapaji Dy. Kilonser kati ketdangsüa repranger aser Kohima Finance I/C den 8014797929 ajanga tongteptsü akok ta NSCN (R)-isa ashi.
Finance I/C-i memeteti sen mesarutsü aser ozüng alema sen sarurtem nem tapet temerenshi agütsütsü. Anungji iba mapa meinyaktsü tetuyuba agütsür. NSCN-isa kija/telok, temeimertem aser sendaktepa alirtem ajaki yariteptsü mepishir, ta MIP-isa sangdong nungsa shia lir.