NITTE University-i Nagaland nungi kaketshirtem nem maongka agütsür

Dimapur, Monupii (May) 23 (TYO): NITTE University, Mangalore-i Nagaland nungi kaketshirtem nem maongka agüja, academic year 2018-19 nungi tenzükba course balala nung menden anana agütsütsü ta metetdaktsüogo.
University-i course atema tuition fees magitsü saka kaketshirtemi exam fee bo agütsütsü. Parnokisa hostel deposit magitsü saka room rent aser mess charges agütsütsü aser ibaji küm nung sen 76000 adoktsü, ta Nagaland Governor PB Acharya-i ashi.
NITTE University-i agütsüba course tem- Master of Public health (MPH), B. Sc Nursing, M Sc Nursing, M Pharm, Bachelor of Physiotherapy (BPT), Master of Physiotherapy, B. Sc (Bio Medical Science), M Sc (Bio Medical Science), MA (Mass Communication & Journalism), BA (Mass Communication & Journalism) aser Master of Pharmacy.
NITTE University nung azüngtsü jangraba kaketshirtemi June 15, 2018 matongdang mark sheets aser Indigenous Inhabitant of Nagaland Certificate indang copy Raj Bhavan Kohima nung agütsütsü akok.
Governor PB Acharya-i kaketshirtem merit nung ajemdaker shimtsü atema luden ka shimogo aser application ji secy.rajbhavannagaland@gmail.com dangi yoktsü akok.
Iba dak sendakba osang tejangjaba nung metetnürtemi office mapang 7005605757 ajanga tongteprateptsü akok.