India FIFA tarensen nung 155 buba akümer

New Delhi, September 03 (Agencies): India football telok FIFA tarensen nung tang 155 buba jenjang nung aliba osang ka FIFA-i tanü Brehostibar nü sangoktsüogo.
2018 FIFA World Cup qualifying asaya 2 tashi nung India-i atonga tamakok ajuruba sülen par telok tekübokleni jenjang 15 tashi lua 156 buba jenjang atong.
Ajisüaka, India-i tawa Nepal den Pune yimti nung tawa asayaba international friendly asaya ka draw nung tembangba sülen temaleni jenjang ka atutsü maongka ngua tang 155 buba jenjang atongba osang jangjaogo.
India teloki Iran den World Cup qualifier asaya ka Bengaluru nung tan September 8 nü asayatsü lemzüka lir.
Copa America asayamong nung tanabuba jenjang anguba Argentina telok tang FIFA tarensen nung temaba jenjang ngua lir aser par telok sülen anidaka, Belgium 2 buba aser Germany 3 buba jenjang nung lir.