Healthcare tsütsü linük 195 nung India jenjang 145buba nung lir

New Delhi, Monupii/May 23 (Agencies): Anema-alibaren tsütsü service junga agütsüba nung linük 195 nungi India jenjang 145buba nung lir, aser iba jenjangji China, Bangladesh, Sri Lanka aser Bhutan linüktem dang nungibo tekübokba nung lir, ta Lancet study ka ajanga metetdaktsü.
Ajisüaka Global Burden of Disease study ajanga ashiba agi, 1990 küm nungi tenzüka asadangra India linük nung healthcare jenjang tajungba kümdar.
2016 küm India nunger healthcare access & quality indang score ji 41.2 liasü (1990 küm nungbo score 24.7 dang liasü). Parnoki ashiba agi, 2016 küm score timbaji Goa aser Kerala naprongla nung score 60 liasü aser ishitibaji Assam aser Uttar Pradesh naprongla nung score 40 dang nungi tajemba liasü.
Healthcare tsüsü India dang nungi temaba jenjang nung aliba kidanger linüktemji- China (score 48), Sri Lanka (71), Bangladesh ( 133) aser Bhutan (134) lir aser health index nung India dang nungi jenjang tajungba nung aliba kidanger linüktemji Nepal (149), Pakistan (154) aser Afghanistan (191) linüktem lir.
2016 küm healthcare access & quality nung temaba jenjang nung alirtemji- Iceland (score 97.1), Norway (96.6), Netherlands (96.1), Luxembourg (96.0), Finland (95.9) aser Australia (95.9) linüktem lir.
Ano tsünglanglen aliba linüktemji Central African Republic (18.6), Somalia (19.0), Guinea-Bissau (23.4), Chad (25.4) aser Afghanistan (25.9) linüktem lir.
Kasa study ajanga ashiba agi, India-i tuberculosis, temelungjang tashidaktem, stroke, tatsüjang cancer, colon cancer aser tezüngjang tashidaktem atema junga meinyaktet.
Tang mezüngsüa iba study ajanga Brazil, China, England, India, Japan, Mexico aser US nung aliba region tem tsüngda healthcare access & quality asadanga liasü.
2016 küm alima nung healthcare access & quality score ji 54.4 liasü; 2000 küm nungbo point 42.4 dang liasü.