SAYO-i Mao nunger meindokba anena atar

Kohima, July 08 (TYO) : Southern Angami Youth Organisation (SAYO)-i Mao nungertem parnok litsü nungi aotsü tetuyuba agüja aliba anena atar, ta tanü SAYO sangdong ka nung metetdaktsüogo.
Southern Angami aser Mao Naga nungertem tsüngda Kezoltsa/Dzukou mangatettep ken o adokba nung ajemdaker taküm June 5 nü SAYO-i Mao nunger aotsü tetuyuba agütsü.
Naga Hoho-i tetuyuba agütsüba nung aser Mao Council anema telemtetba agiba nung ajemdaker mapang tatsüka atema iba tetuyuba agiena atar, ta SAYO tir, Kekhruhol Mekro aser action committee convener, Khisanol Viswentso nati külem sangdong ka nung shia lir.
Iba denji külemi Tenyimi Public Organisation aser Chakhesang o Angami Public Organisations temia SAYO dang tuyuba ama Mao nungertem parnok litsü nungi aotsü tetuyuba agütsüba anena atatsü telemtetba agi, ta SAYO lennirtemisa metetdaktsü.