Kohima DC & ARO-i sangdonger

Kohima, Monupii/May 25 (TYO): Taruba Nagaland Parliamentary Constituency, 2018 Bye-election dak sendakba nung Kohima DC & ARO, Rajesh Soundararajan IAS-i sangdong ka ajanga Form 17A aser tanga documents post poll scrutiny ji Monupii/May 29, 2018 nü anüngdang 11:00 ako nungi DPDB Hall, office of the District Planning Machinery, DC Office Complex, Kohima nung agitsü, ta metetdaktsü.
Item maparen kulisüa repranga atatsü atema candidate mesüra pa indang election agent mesüra candidate-i nungloktsüba nisung ka arua adentsü akok, ta paisa metetdaktsü.
Iba dak alia iba maparen inyakba mapang nung takdang telungi cellular phones aser tanga electronic osettem bener aittsü memelatsü, ta kasa sangdong nung shia lir.