Govt. Hr. Sec. School Pfutsero ‘Jana maliba campus’ ta sangdongogo

Kohima, Monupii/May 24 (TYO): Phek District kübok Government Higher Secondary School Pfutsero-i Swaachh Bharat mapatong kübok jana meindokba campus ‘litter free campus’ school, ta sangdongogo.
Tanü GHSS principal, Vechikhoyi Lohe-i GHSS Pfutsero ya ‘Litter Free Campus’ ta sangdonga liasü.
‘Litter fre campus’ ta sangdongba sentong nung GHSS vice principal, Kelhikha Kenye-i kaketshirtem aser tesayurtem dang ‘litter free campus’ teratet lemsatepa liasü.
Kenye-i kaketshirtem aser tesayurtem dang pei aliba temeket mejanai merükteta ayutsü asoshi ayongzük.
Kasa sentong nungsa kaketshirtem aser tesayurtemia ‘litter free campus’ atema inyaktsü aser tangartem danga iba osang proktsü tenangzükba agia liasü.