Arunachal Pradesh: Cabinet minister tem menden melenshi

Itanagar, Monupii (May) 28 (Agencies): Arunachal Pradesh sorkari minister aser bureaucratic tem menden melenshitsüba atema tetuyuba agütsüogo. Cabinet members tem aikanem parnoki tanga bena aliba portfolios tem dak alia mapang talila bendenloktsüogo.
Social media nung osang prokshiba ajanga ashiba agi, chief minister Pema Khandu-i home minister Kumar Waii dena Cabinet minister tem rongnung temelenshi bener aruogo.
Waii-i tang home portfolio bena lir aser iba den bendenloksema pa nem urban development, aser town planning, housing, aser urban local bodies achaayangtsü asoshi agütsüogo aser kasa mapang nung pa ket nungi RWD portfolio aginogo.
Temelenshi nung IPR minister Bamang Felix nem RWD portfolio agütsüogo.
MLA tejen Wangki Lowang shiba chief minister advisor liasü, pai tang trade and commerce, aser department of Tirap, Changlang, aser Longding portfolios bena lir aser iba den bendenloksema PHE portfolio agütsüogo.
Aalo nungi MLA Jarkar Gamlin nem tourism portfolio agütsüogo. Honchun Ngandam, Nabam Rebia, Alo Libang, aser Mohesh Chai nunger nema portfolio talila agütsüogo.
Cabinet menden melenshiba den külemi bureaucratic menden dena melenshiogo.
Ashish Chandra Verma (AGMUT 1994) nem home commissioner, political, border affairs, health and family welfare, agriculture production den Puroik Welfare Board mendenbuba ama inyaktsü asoshi nungloktsüogo.
Taoba hydropower commissioner Kaling Tayeng, tang tinyakdak mapa nungi anentsüogo aser finance commissioner, investment and planning aser chief electoral officer mapa agütsüogo.
Tang tinyakdak administration puri temelenshi 18 tashi bener aruogo.