Zunheboto nung measeles mesükba wara ka azüoktetogo

Zunheboto, Monupii/May 29 (TYO): Zunheboto kübok Aghunato Block nung measles südi, ta melung melemi bilemba tashidak wara ka poktetogo, aser DPO (RCH and UIP) Zunheboto, Dr. Alemwabang Aier-i ashiba agi, Monupii/May 28, 2018 tashi nung Aghunato jila, Shevishe aser Lukikhe nung iba wara ajanga kongshir nisung 50 shi liasü.
Iba dak sendakba nung azü, natzü aser ‘throat swap’ bendena tendangtsü atema laboratory-i yokogo.
Measles ya melamela menateper aser iba tashidak ajanga tanurtem kanga asür, ajisüaka vaccine agütsüba ajanga melamela nokdangteter.
Ajisüaka Zunheboto district nung immunization agi ayimjembaji shilem 50 dang nungi tekübok lir.
Health department den district administration-i yaritepa special Intensive Mission Indradhanush kübok immunization agutsüdar, iba denji külemi mashisa tetsürtem aser arishi küm 5 ser tekübokpur tanurtem Routine Immunization agi ayimjemtsü atema inyakdar.
Iba dak sendakba nung District administration-i sangdong ka ajanga senso ajak dang tanur ajak nem taküm kümzükba vaccine agutsütettsü atema iba maparen nung yariteptsü mepishiogo.