Defence Minister, Sitharaman-i Nagaland semdanger

Kohima/Dimapur, Monupii/May 29 (TYO): Defence Minister, Nirmala Sitharaman-i Nagaland nung Army’s Spear Corps Zone semdanga Monupii/May 29, 2018 nü Dimapur tonga aruogo, ta tanü Col C Konwer PRO (Defence)-i sangdong ka ajanga metetdaktsü.
Dimapur nung Lieutenant General Gopal R, AVSM, SM, General Officer Commanding Spear Corps-i Defence Minister dang Corps-i inyakba mapatem metetdaktsü; iba nungji kiralongra nokdangba mapatem aser North East State tem nung Indo-Myanmar Border nung border management operations densema lir.
Monupii/May 30, 2018 nü Union Minister-i Indo-Myanmar Border nung Nagaland kübok forward areas semdangtsü.
Lai Spear Corps-i inyakba Border Guarding operations asadangtsü aser arrtsülen inyaker Assam Rifles ketdangsertem aser sepaitem den o lemteptsü, aser ibaji ajanga lai yangji security tensa jangjaa asadangtettsü, ta kasa sangdong nung shia lir.
Forward areas semdangba mapang nung laisa item tesem nung aliba lisopurtem ajurua jembitsü.
Forward areas semdangba sülen kasa anogo nikongdang Defence Minister Delhi-i meyipa aotsü, ta kasa sangdong ajanga metetdaktsü.