ANCSU-i pelaba lemsateper

Kohima, Monupii/May 30 (TYO): Nagaland University Controller of Examinations aser Exam section-i Undergraduate Exams mapang shidak nung achaayanga agia mapang shidak nung Undergraduate course semester examinations 2018 osang sangdongba atema All Nagaland College Students’ Union (ANCSU) tenüng nung tenüngsang agüja pelaba metetdaktsür, ta tanü ANSCU Tir, Katho P Awomi aser Repsem zülur, Imnameren N Jamir nati sangdong ka nung metetdaktsü.
ANCSU-isa Undergraduate Semester Examinations nung takok angur candidates ajak nem tenüngsang agütsür aser tarutsü nunga maneni takok angutsü atema sarasademtsür, ta kasa sangdong ajanga metetdaktsü.