Meghalaya CM-i pa Delhi aoba kuli agütsür

Shillong, Aami (June) 1 (Agencies): Chief Minister Conrad K Sangma aser par cabinet züngsemtemi mapang shia Delhi-i aoba atema nisungtemi anema luja aru saka pai ashiba agi parnok Delhi-i aobaji Meghalaya state ajangzüktsü atema lir.
Delhi-i aobaji official nüngdak atema aoer, ta Conrad-i ashi.
“Ni Prime Minister aser Union Finance Minister na den majuruitep asübo SSA tesayurtem atema sen crore 150 mongui lila. Ni MORTH Minister den majurutep asübo sen crore 8000 alangba NHIDCL project mangu lila” ta Chief minister-i ashi.
Parnoki linük yimtibai mao asübo nakmati indang tebilemtsü asoshi mapa balaka meinyakteti lila, ta paisa shisem.
“Coal Nationalization Act meyipa agiogo aser onoki iba tebilemtsü koktettsü atema joko tatemlen ka tongogo” ta Conrad-isa metetdaktsü.
Meghalaya Chief Minister-isa ashiba agi parnoki Delhi semdangbaji hopta tatemlen ang aoer aser iba jagi mapa inyakba anogotem mokongshir.
“Onoki anogo ka danga amajok nung mesüidaktsütsü meranger. Ajisüaka, nisungtemi o aika jembir” ta paisa shisem.