US commander-i metetdaktsüba Taliban teloki magizüker

Kabul, Aami 01 (Agencies) : Kabul sorkar aser telungpurtem tsüngda tongtepratepba den ano ken o jembidagi ta, Afghanistan nung aliba coalition sepaitem rongnungi US commander kati sangdongbaji khenyongi magizüker, ta Taliban teloki metetdaktsüogo.
Tanü osangbenertem nem zülur lemtsüba osang ka nung Taliban otongdar, Zabihullah Mujahid-i ashiba agi, Kabul nung aliba pa office nungi Gen. John Nicholson-i Pentagon nung osangbenertem dang ashibaji khenyongi tamentakdak maka.
Afghan nunger aser “mid-level, senior-level Taliban” lennirtem tsüngda tongtepratepdagi, ta tan taoba Rasemnüto Nicholson-i meetdaktsü aser paisa ashiba agi, iba nungji international organization, foreign sorkartem aser tanga tejangrar teloktem densema lir.
“Trump-i aniba sorkari Afghanistan nung tamakok anguba indang tuteta ashitsü melena America nunger General Nicholson-i tamakok anguba miimbanga ayutsü meranga tiyazü osang agi Washington nung aliba osangbenertem mazüngi lidaktsür,” ta Mujahid-isa metetdaktsüogo.