JDS-i Jayanagar by-election nung Congress yaritsü

Bengaluru, Aami (June) 5 (Agencies): Sangtennü (Mongulbar) Janata Dal (S)-i Jayanagar assembly constituency indang by-election nung metokteptsü ta osang metetdaktsü.
Aami (June) 11 nü by-election agitsü aliba nung JD(S) nungi candidate ka tokteptsüba liasü saka parnoki Congress yaritsü atema candidate ji meyipa agir ta ashi.
JDS tanishir aser taoba prime minister H D Deve Gowda-i par party candidate Kalegowda-i tetoktepba nung madener ta osang metetdaktsü.
JDS-i Congress candidate Sowmya Reddy pusema nungittsü aser party züngsem ajaki la atema inyaktsü ayongzüker, ta Deve Gowda-isa ashi.
Congress lennir tejen aser taoba Minister Ramalinga Reddy den senden ka amenba sülen Deve Gowda-i iba osang metetdaktsü. Ramalinga ya Sowmya Reddy tebu lir.
Taküm Monupii (May) 12 nü Karnataka assembly election agi saka BJP candidate B N Vijayakumar ajungbena asüba ajanga Jayanagar constituency nung election magi.
BJP-i Vijaykumar tenu B N Prahlad parnok candidate asütsü ta shiogo.
Congress aser JDS tsüngda teloktep sorkar kümteta liaka, tawa Rajarajeshwari Nagar assembly by-election nungbo telok anapronglai candidate tem yok. Iba tetoktepba nung Congress candidate Munirathna-i takok angu.
Congress-i Rajarajeshwari Nagar menden takok anguba ajanga Congress-JDS teloktep nung MLA 118 lir.
Züngsem 222 aliba assembly nung tang sorkar teloktep nungi Congress MLA 79, JD(S) MLA 36 aser BSP 1 lir. Ano, KPJP MLA aser Independent katia teloktep pusema nungiter.