ASLB ajanga metetdaktsür

Mokokchung, June 05: 2018 Arangtet Tatidang Jangjashiyim Dimapur aser Kohima tesem nung alirtem aser Mokokchung nung alirtema shirnok Mkg nung alidang medentet parnok ajak Aami 14 anogo anepdang 10 ako nungi tenzüka Kohima Aor Moluki nung agitsü. Sentong nung tongti O jembir Dr. Pangersenla Walling aser Dr. Imliinla Imchen, Nagaland University. Meriema, Kohima nungi alitsü ta I Temjen Tzüdir, Secretary, ASLB ajanga sangdong ka nung metetdaktsü.
Iba sentong nung Sentong Jangjayim ASLB ajanga ashitsü aser Kohima Aor Telungjem (KAT) Tir Wb. Chiten Yadeni tajungshi O tatsüka jembitsü aser Ms. Anenla Jamir-i iba sentong ketdang asütsü.
ASLB-i lemteta aliba ama iba Jangjashiyim nung madener Arangtet Tatidang agütsütsü memelatsü. Anungji AT agütsütsüpur ajak medema arua adentsüla.
Iba den Kohima aser Dimapur nung alir ASLB züngsem ajak iba sentong nung arua adentsü mepishir ta kasa sangdong ajangasa shisem.