Mon nung telungpurtemi sepai 2 yirutsü

New Delhi, Aami (June) 5 (Agencies): Aami (June) 5, 2018 nü Nagaland kübok Mon district nung mejangjatetba telungpurtemi sepaitem amakdang army Major ka dena sepai ana yiru.
Telungpur telok kati Lempong Shingha yimtsüng anasa aliba 41 Assam Rifles camp amak, ta Defence osang ajanga ashi.
Tanep 2:20 ako meta telungpurtem jagi Charlie Company post aser sentry post amak. Idangji Assam Rifles sepaitemia meyiper injang khaloktsü aser minute ishika parnok khatep, ta parnokisa ashi.
Iba Company commander ji army Major ka lir aser pa Assam Rifles nung mapa lemzüka lir. Tanep pa den sepai ka yiru aser sepaiji Jorhat military hospital-i anir oa anepaladur, ta defence osang ajangasa metetdaktsü.
Yaküm Aami (June) ita Myanmar den arrtsüa aliba Mon district kübok Lappa Lempong tesem anasa khatepdang ULFA (Independent) züngsem asem aser Indian Army ketdangser ka asü.
Iba tesem ya NSCN-K aser ULFA-Independent züngsemtemi Myanmar leni ori-aruli ta senzüba tesem ka ta züngshir. Myanmar nung telungpur telok balala indang tesep tenteta lir.