Mangkolemba ‘Malaria free model village’ shim

Mkg, Aami/June 06 (TYO): Aami/June 06, 2018 nü Mangkolemba Town Hall nung National Vector Borne Deficiency Control Programme (NVBDCP) kübok Mangkolemba, Malaria free Model Village shimba sentong ka agiogo, ta ketdangsertem osang ka ajanga metetdaktsü.
Iba sentong nung Directorate of Health & Family Welfare, Kohima nungi Director of Health, Dr. Vikiyie Losu-i stakeholders dang iba nükjidongtem indang metetdaktsüba den külemi 2030 küm tashi nungbo linük nung Malaria tashidak meshimeshia samatsür alitsü atema inyakba metetdaktsü.
Paisa sorkari tashidak nokdangtsü atema LLIN aser IRS ama maaptong inyakba metetdaktsüba den külemi Mangkolemba jila nung stakeholders dang iba programme takok angutsü atema Dept. den amalitepa inyaktsü aser tanüngba districts atema tatishitsü tajung ka asütsü ayongzüka liasü.
Kasa sentong nung DVBO (NVBDP), Dr. Marina Yaden-i power point amshia district nung Malaria tashidak jenajngn metetdakja liasü.
Iba sentong ya Mokokchung CMO, Dr. Medem leniba nung agi; Mangkolemba ADC-ia o tatsüka jembi aser Health Director-i Mangkolemba Town ‘Malaria free model village’ sangdonga liasü.