Pilgrim Hr. Sec., Dimapur nung Career counseling agutsü

Dimapur, Aami 06 (TYO): Aami/June 06, 2018 nü Kuda B, Dimapur nung Pilgrim Higher Secondary school nung career counseling sentong ka katsüogo.
Career conference ya Guidance & counseling cell, State Council of Educational, Research & Training (SCERT), Govt. of Nagaland-i ayongzüka liasü aser iba sentong nung Associate professor, Nodal officer SCERT, Dr. Zavise Rume-i Academic Career aser skill nung ajemdaker maongka balala aliba indang metetdaktsü.
Maya Academy of Advance Cinematic, Kolkata nung Director (Ops), Atanu Moitra-i Career in Animation, VFX aser multimedia onük nung jembi aser Salesian House, Dimapur nungi Career counselor, Fr. Bosco-i civil services nung career maongka balala indang metetdaktsü. Ano Emporium India nungi Operation Manager, Anirban Mukherjee-i job oriented course agitsü atema India sorkari sponsor asüba schemes balala metetdakja liasü.
Iba sentong ya Asstt Head Master, Pilgrim Hr. Sec., Sana Karam leniba nung agi aser Pilgrim Hr. Sec., New Horizon School, St. Teresa’s School aser Eden Hr. Sec. School Thilixu nungi kaketshir 500 den teacher in-charges dena liasü.