Kriti Kharbanda-i taruba film atema combat training agidar

Aami 07, 2018 (Agencies): 2017 küm ‘Veere Ki Wedding’ film nung tongti shilem agila actress Kriti Kharbanda-i ‘Yamla Pagla Deewana’ film installment tasembuba nung shilem agitsü atema renemdar. Taruba film nung shilem agitsü atema, tang Kriti-i gymnastic training den külemi tanga physical combat training agidar.
Osang ajanga angazükba agi, taruba film ya Kriti indang mezüngbuba action film asütsü. Kasa film nung nüngtugu actor Dharmendra, Sunny Deol aser Bobby Deol nungeri tongti shilem agiba angutsü.
Kriti-i ashiba agi, lai tang temang anepaluba den külemi anogoshia yoga tagidak lir. High-octane action sequences aketba film nung tetsübutsü aketba stunts tem inyaktsüji temela masü, kechiyong temang anema aser tashiita alibaji dang masü saka asen temulungjang aser shishatsü tashiita aser renema alitsüji kanga tongtibang lir.