iBall Guard indang 2MP HD panoramic camera introduce süogo

Aami 07, 2018 (Agencies): Close Circuit Television (CCTV) security tsütsü yarisemtsü atema iBall-i advance technology inoka yangluba Panoramic Camera tasen ka sayaogo. Iba camera nung ‘Fisheye’ lens keta aliba ajanga ‘iBall Guard Fish Eye’ camera ta nüngja agütsü. Company-i ashiba agi, tanga CCTV camera ama, tetsüngda tatsütsü nung amendaka mesüra set süa yur screen balala nung tesem balala repranger, saka iba panaromic camera-i tesem ajakji ayimjema tangoktetter.
Iba camera nung 1.44mm super-wide lens den külemi interactive 3D panoramic view keta aliba angutsü. Ibaji ajanga 360-degree nung tangoktettsü. Company-i ashiba agi, iba camera nung multi-views aser visual tem modes balala nung talisa fisheye mode, cylindrical mode, grid mode, tile mode, split mode aser top mode tem nung zoom asütsü atema monitor sütsür.
2MP (megapixel) camera nung 3 mini Matrix IR LED inoka yanglutsü. Ibaji ajanga tesangwa peria malidak tesemtem nung visual tejangjaba agütsür. Iba den külemi camera nung H.264 Video Compression feature keta aliba angutsü aser ibaji ajanga storage space timba kümzüka ayutsü atema video tangokba ajak compress sütsür. Tamshirtemi, iba gadget nung microSD keta alibaji 64GB tashi atsülanga benshitettsü. Tajangzük kaji, iba camera ajanga live feeds video tangokba tem tamshirtemi indang indanga pei pei smartphone, tablets aser PC tem ajanga reprangtettsü.
iBall indang HD panaromic camera nungsa two-way live audio conversation aser nüngdakba mapang tamshirtem indang smartphone nung alarm aser notification angutsü atema ‘motion-based alarm’ feature keta aliba angutsü. Iba panoramic HD camera jenjang ya sen 6,590 asütsü.