Video ken ‘Fire’ sayatsü

Mokokchung, Aami/June 7 (TYO): Yongyaseta ataa aliba ama, Khristan Gospel kentener James Basnet-i atenba ‘Fire’ ta sür music video ka Aami/June 09, 2018 (Küptoknü) anepdang 10:00 ako nung sayatsü renema lir, ta osang ajanga angazüker.
Tang sayatsü aliba music video ya pa (James) indang kensep ka koba tang teyangludak lir, iba nungjaki lir aser iba kensepji Yellow Box Studio, Singapore nung record tesüdak lir.
‘Fire’ nung music ya Singapore nungi music producer & composer Mr. Clement Chow-i edit aser mixed sütsü aser Mr. Thomas Varghese-i produce asür. Iba den Grammy Award Winning engineer – Smith Carlson & Producer/Singer – Collin McLoughlin nati master asüba music video ka lir.
Iba music video yangluba mapang shirnokisa yaritepogo, parnok ajak dang pelar, ta James Basnet aser par teloki metetdaktsü. Ano sound & lights nung Mr. Kethobo (Pro Driver) aser video adoktsü atema SAN productions nungi Mr. Sanen nunger dang pelaba shisema liasü.
Tejangrartem iba music video ya iba link (https://www.youtube.com/user/jamesbasnet) ajanga reprangtettsü mesüra angatettsü aser download sütettsü akoktsü.