Paul Mccartney, Bon Jovi aser Fergie longjemer shilem agitsü

September 04, 2015: Alima tsüngsang-mopung melenshiba indang osang metetdaktsütsü atema Charity Single nung Sir Paul Mccartney, Jon Bon Jovi, Fergie aser Nicole Scherzinger nungeri parnok kentenba sempet tenlatsü.

Item kentenertem dak alia Leona Lewis, Sheryl Crow aser Sean Paul nungeri ‘Love Song to the Earth’ version ka record süogo, iba ken original version ya yaküm United Nations Climate Summit atema British nunger kentener Natasha Bedingfield-i zülu aser produce süa liasü.

Bedingfield den tejaoker kari climate change asoshi inyaktsü, aser iba single ayokba aser stream asüba nungi aazükba senji Friends of the Earth aser United Nations Foundation nem tenla agütsütsü.

Bedingfield-i, “Alima environment ya junga dang lir, ta aikati tenük poker ama jembir. Iba ken ya ajanga asenok dang alima kibur asüba tetezü asenoki anepalutsüla ta osang sangoktsür. Iba ken ya ajanga nüburtemi langkabosa inyaktsüsa onoki environment indang jembiner,” ta ashi.

‘Love Song to the Earth’ ya Hokolbar nü (September 04) nungi iTunes aser Apple Music na nung angutsü aser September 11 nü alima ajak nung sayatsü.