Zebronics indang ‘Smart Time 200’ smartwatch sayaogo

Aami 09, 2018 (Agencies): India indang electronic yangluba company Zebronics-i ‘wearable’ shishilembadak parnok indang jenjang akangshitsü atema ‘Smart Time 200’ ta nüngja agütsüba smartwatch tasen ka sayaogo. Iba smartwatch nung 2.71cms indang capacitive round touchscreen display den 240×240 pixels indang resolution keta lir.
Zebronics indang smartwatch series tasenba nung onboard storage 32MB keta aliba angutsü aser microSD ya 32GB tashi atsülanga benshitettsü. Iba smartwatch yagi Bluetooth v3.0 support asütsü aser iba denji bendenloka call atema Nano SIM support asütsü.
Smart Time 200 smartwatch nung inbuilt speaker aser mic inoka yanglutsü. Item feature dak alaka smartwatch nungsa SMS aser emails feature tem keta lir. Tajangzük kaji, mejangba yimya aser jajaba tem metettsü atema iba watch nung pedometer inoksema yanglutsüogo.
Iba smartwatch nung 380mAh battery keta aliba angutsü. Iba denji bendenloka smartwatch tejaklen camera ka, sound recorder, browser, file manager aser security talila atema anti-lost tracking features tem keta aliba angutsü.
Zebronics indang watch ya tepolong aser tapak nung sen 2,999 agi angutsü.