Boult Audio ‘StormX’ earphones sen 1,199 alang sayaogo

Aami 09, 2018 (Agencies): Boult Audio indang wired HD in-ear headphone telemsa nung product tasen ka bendenloka StormX sayaogo.
Iba wireless StormX nung custom earloop design inoka yanglutsü. Ibaji ajanga timtem kecha meli tenarong nung jangoker mapang talangka atema ayonga benshitettsü. Iba den külemi StormX nungsa in-line volume, mic, power control aser built-in condenser mic inoka yanglutsü.
StormX earphone nung sound isolating design keta lir aser ibaji ajanga earphone benshiba mapang temeküt nung olatem 37dB (Decible) tashi nokdangtsür.
Company-i ashiba agi, StormX earphone ya mini powerhouse ka lir aser ibaji ajanga playback ghonda tenet tashi agütsür aser quick charge support asür. Tajung kaji iba device ya sweat-proof aser splash-proof lir.
Iba den külemi earphone ajanga bass aser sound quality tajungtiba agütsütsü atema built-in Micro-woofer inoksema yanglutsüogo.
Boult StormX den protective portable case ka angutsü. Protection aser durability atema iba earphone nung company-i ultra-strong cables, Kevlar aser rubber talila agi meyia yanglutsüogo.
StormX earphone ya sentsü tanak aser temesüng nung angutsü aser device jenjang ya sen 1,199 asutsü.