George Clooney-i AFI Life Achievement Award agizük

Aami (June) 9, 2018 (Agencies): Actor George Clooney-i 1978 küm nungi tenzüka film nung shilem agia arudar aser pai tang tashi nung Golden Globe Awards asem aser Academy Award ana ngua lir. Pai ashiba agi, Hollywood nung temelenshia aika angu dang pa kanga nema danga bilemer.
American Film Institute AFI puri actor nem ya Aami (June) 8 nü Life Achievement Award agütsüogo, ta hollywoodreporter.com sangdong ka ajanga metetdaktsü.
Award agizükba mapang nung jembidang Clooney-i ashiba agi, “Ni iba industry nung shilem agiba atema kanga pelar aser iba ya ni kanga meimer. Industry nung temelenshi balala angudang ni kanga pelar aser nema adanger.”
Kasa mapang nung pai par tsürapur tenüng asang.
Arishi küm 57 tain Clooney-i pa kinungtsü Amal indang tajung aika jembia liasü.
“Ni ajakbo majangzüktettsü ta bilem. Career kanga takok ngua ora nai temeim chichiba mongutettsü, ta bilem saka tang ni Amal ajuruogo,” ta pai ashi.
Maneni pai iba sentong nung aru adener ajaka dang pa pusema nungitba atema parnok tenüng asang.
Taoba US tir Barack Obama-i videotape ka ajanga Clooney pusema yamai ashi: “Kuobo apuba ajanga kü dang nungi pa tazüba. Pa kanga dang nisung tajung, tembar tajung, lisopur tajung ka aser ajak dak alia film yanglur kanga tajung ka lir.”