Dimapur nung election mapang amshiba gari kibur dang metetdaktsür

Dimapur, Aami 14 (TYO): Nagaland Legislative Assembly Election 2018 aser Nagaland Parliamentary Constituency 2018 Bye-Election agiba mapang Dimapur district kübok gari hire amshiba taa ya Aami/June 21, 2018 tashi agütsütsü, ta DC & DEO Dimapur, Sushil Kumar Patel IAS ajanga sangdong ka nung metetdaktsü. Iba anogo sülenbo shinga nema taa ya magütsüsü, ta kasa sangdong nung shia lir.
Election mapang Dimapur district nung hire amshiba gari kiburtemi office mapang Deputy Commissioner, Dimapur indang office nungi hire taa meshitsü metetdaktsür, ta ketdangserisa nenshia metetdaktsü.