(Abelen) Robbie Williams (abelen) aser Aida Garifullina (tiyong) nati Moscow nung aliba Luzhniki Stadium nung Yangtepnü FIFA World Cup 2018 lapokba sentong nung shilem agiba noksa nung angur.
Moscow, Aami 14 (Agencies): Alima nung nübur ajungai kanga yongya ataba ama Russia yimtiba Moscow nung Yangtepnü kanga sentsüpranga World Cup football asayamung tenzükogo. Iba asayamung lapokba sentong nung British nunger nüngtugu kentener Robbie Williams aser Russia nunger soprano Aida Garifullina nati ken aten.
Iba asayamung lapokba sentong ya minute 15 liasü aser Russia nunger indang Channel One ajanga produce asü. Russia yimtiba nung aliba Luzhniki stadium nung iba asayamung lapokba sentong agidang, Pyotr Tchaikovsky-ia shilem agi.
Sentong tenzükba mapang Spain nunger football asaya nung goalkeeper tejen, Iker Casillas aser Russia nunger supermodel aser philanthropist, Natalia Vodianova nati World Cup trophy ya Louis Vuitton travel case nung inoka bener asayadak moapu-i ait.
Robbie Williams-i pa indang nüngtugu ken, “Let Me Entertain You” aser “Rock DJ” atenba mapang tsüngsanger aikati shilem agia tsüngsang.
Iba sülen Vienna State Opera nungi kija ken atener, Garifullina aita Williams indang “Angels” ken tena külemi aten.
Russia nung FIFA World Cup 2018 tenzükogo added by nungsang on
View all posts by nungsang →
You must be logged in to post a comment Login