H&FW Minister, Pangnyu-i AB-NHPM atema MOU sign süogo

New Delhi nung AB-NHPM atema MOU sign asuba sülen tangokba noksa nung angur.

Dimapur/New Delhi, Aami/June 14 (TYO): Tanü New Delhi nung Nagaland Health & Family Welfare Minister, S. Pangnyu Phom aser Health & Family Welfare Government of India Union Minister, JP Nadda nati Nagaland nung Ayushman Bharat National Health Protection Mission (AB-NHPM) benoka inyaktsü atema tezüngzüktep ka agiogo, ta tanü PRO (IPR) Nagaland House, New Delhi, Kuolie Mere-i sangdong ka ajanga metetdaktsü.
AB-NHPM tezüngzüktep agiba ajanga, SECC 2011 nung aliba kibongtem aser tang RBSY kübok tajangzük angurtemi Empanelled Health Care Providers ajanga cashless health insurance kibong shia sen lakh 5 tashi angutsü, ta kasa sangdong ajanga metetdaktsü.