India-US ketdangsertem senden amentsü: Prabhu

New Delhi, Aami/June 15 (Agencies): Tanü Commerce & Industry Union Minister, Suresh Prabhu-i, tan ita India aser US ketdangsertem ajurua senden amentsü, aser iba senden nungji linük ana tsüngda shishilembaba dak sendakba onüktem jembitsü, ta metetdaktsü.
Ministry of Civil Aviation repsema abensang, Prabhu-isa, linük anapronglai shishilembaba dak sendakba onüktem tatem küma jembia latettsü atema melungogo, ta ashi.
Aami/June 10-12, 2018 anogotem nung Minister-i US semdanga liasü aser iba mapang nung pai US Trade Representative, Robert E. Lighthizer, Secretary of Commerce, Wilbur L. Ross aser Secretary of Agriculture, Sonny Perdue nunger ajurua jembiogo.
Tawa US-i steel aser aluminium products nung import duties kanga tua liasü aser India-i mamatzü agi yangluba chiyungtsütem densema tanga osettem nung import duties kanga atuba atema tebilemtsü akaba lemsatep.
Minister-isa, pai US ketdangsertem den “Visa” densema tanga onüktem nunga tebilemba lemsatepogo, ta metetdaktsü.