Tanü putu kibong

~ R. Temjen Imsong Ex.Pastor, Naga United Village Dimapur.

Tsüngremi Eden tsüki nung tenzükba kibong ya kanga tongtibang. Kechiyong ka ajanga dang tajung tamajung, tulu tila, takar sensaker ajak adoker. Tanü ama tensa mapang ka nung Khristan kibong kaji kanga dang khuret tulu lir. Temeshi Tanela lenniba tazüokba makai kibong kaji kodanga süngjema melitettsü.

(TANÜ PUTU KIBONG TIA)
1. Teraksa aser tebenja kibong onsara. Dan.2:43, Lip.6:2
2. Tenük tasen adoka kibong bala-luyuba onsura. Hosea 1:2
3. Kibong nung tamang mebutep (yimsu balala). Amos 3:3
4. Mazüoktetba chinur ajanga kibong raksaba. 1 Sam. 4:11, 18.
5. Kibong sendoker Tsüngrem tenzükba. 1 Sam. 7:15, 8:5
6. Chitiyongti ajanga kibong laoba. Dan 5:1, 30
7. Sen meimba ajanga kibong lendongi aiba. Yihusua 7:24-25

(KIBONG TIA YA ANGATETDI)
1. Tsüngremi jenjang kasa nung tebur aser tetsür yanglu. Lipok 1:25-28
2. Apuani tesendaktep indang Paul tesayuba. Ef.5:25-30.
3. Takok anguba chirnur agi takok anguba tsürabur sayur. 2 Tim. 1:4-5
4. Kibong ajungai Yisu ajurubaji tabensa kibong. Yoh 4:16-17
5. Kibong ajunga kümzukbaji tabensa kibong. T.Mapa 16:31
6. Tsüngrem dak jenokba kibong temoatsü. Lipok 7:1-7
7. Kibong telemtetba akanga yangluba. Yihsua. 24:15

(KIBONG AKüMBA TSÜTSÜ)
1. Tsürabur aser tanur ajaki mulunga kibong akümba. Lipok 24:3-6
2. Melumpu-yim lempuba adakatem. Taz. 23:3
3. Rongsen aser sosem tsütsü masü, jakla liru tsütsü repranga kinungbu aser kinungtsü shimang. 1 Peter 3:1-2
4. Kin balala süaka, tamang yimsü ka tang asütsüla. 1 Kor. 7:2-14
5. Chidiyongdi tsürabur dak nungi chidiyongdi tanur adoktsü. A.Shin 23:21
6. Druge achir nungi sopet-tangpet adoktsü. A.shin 23:32-33
7. Khrista dak amendakba kibong temoatsü ajiang. T.Ken 128:3

(KHRISTAN KIBONG)
1. Kati ka den lungjema aliba dang ajar.
2. Kibong ya Arogo aser yimten tamendakdak kimong lir.
3. Kibong ya loktiliba ajak atema training centre aser workshop.
4. Africa tsürtem nem teburtemi nüjiso magütsü alar jenjang nung amshiba ajanga putu aika bendanger lar tia nung liasü.
5. Kibong nung tebu aser tetsü kaji tesayur aika dang nungi taoba.
6. Kibong nung tebu aser tetsü tanur ajak lungjemer Tsüngrem tenzükba kibongji shidakba Khristan kibong ta ajar. T.Mapa 10:2
7. Kibong nung alir ajak tanela temeshi akaba. T.Mapa 10:44-58

(KIBONG NUNG TSüRABUR TEINYAKTSü)
1. Tesayuri tanur nem kaket shisatsü agütsür saka kibong nung tsüraburi tanur nem sobaliba, tamang aser ketdangsüba indang sayur.
2. Kibong nung tsürabur olaji yimjak nung tanurtemi ayimtener.
3. Kibong nung tsürabur sayu O meteni angazükba shisatsüji tabensa masü.
4. Israel tsüraburtemi kaket shisatsü medeni sayutetba tanur nungi chubatem, ainkartem, putirtem aser scholartem adok. Taz.6:6-9
5. Jembiba agi angazüker, sayuba agi meteter aser inyaker.
6. Meshi-metsüba yimya tanur dang sayura ner chirtem meshi-metsür akümtsü.
7. Tsürabur dak Khristan tebur ajung ngudaktsüra, ner chirtemi iba tebur ajungbaji alima dang oa sangdongtsü.

Tamangertemi kodang Yisu tesayuba shidak nung Khristan kibong lidir, idangji asen lima ya ajungtsü aser azükaru lima akümtsü.