Nagaland election agiba kaket adoka lir

Dimapur, Aami/June 15 (TYO): Kaket ka tenüng agi, “General Election to the 13th Nagaland Legislative Assembly, 2018” ta ser Wb.Chubatemjen Ao, Ex. Minister-i adoka lir. Iba kaket nung taküm 2018 küm February 27 nü Nagaland nung assembly election agiba osang tejangja agüja lir.
Nagaland kübok assembly constituency shia nung tokteper candidate aser party tenüngtem den parnoki polling station shia nung anguba vote tejangja iba kaket nung angutsü. Iba kaket ya sen jenjang Rs.300/- agi Dimapur nung Modern Book Depot, Nyamo Lotha Road aser Kohima nung Western Book Depot nung angutsü. Ano, iba kaket adoksang den pa mobile number 9436260132 ajanga tongteprateptsü akok.