VHP & Bajrang Dal ya tamangba yimsü telungpur teloktem

New Delhi, Aami (June) 15 (Agencies): Central Intelligence Agency-i tawa adokba ‘World Factbook’ nung Vishva Hindu Parishad (VHP) aser Bajrang Dal teloktem ya tamangba yimsü telungpur teloktem ta züngokba shia lir.
CIA-i VHP aser Bajrang Dal teloktemji “political pressure groups” kübok züngsema lir. Item telok nung lennirtemi legislative election nungbo shilem magir saka politics mesüra political pressure agütsür ta parnoki ashir.
CIA-isa India nung ‘political pressure groups’ rongnung RSS, Hurriyat Conference aser Jamiat Ulema-e Hind teloktem züngsema lir.
Parnoki RSS ya “nationalist organisation”, Hurriyat Conference ya “separatist group” aser Jamiat Ulema-e Hind ya “religious organisation” ta shia lir.
CIA-i kümshia World Factbook adoker aser iba nung US sorkar asoshi linük mesüra tebilemtsü indang intelligence mesüra shitakba osangtem adoktsür.
CIA-i linük 267 indang osang bendener aser parnoki 1962 küm nungi World Factbook ya adok saka 1975 nungang yimjak nung metetdaktsü.