Mkg nung taxi ka tsükok aser nisung ka asü

Mokokchung,Aami/ June 15 (TYO): Mokokchung town kübok Tongdentsüyong ward Amaguri lenmang nung Rogonü (Hogulbarnü) anepdang 10:30 ako meta local taxi Maruti Van ka tsükok aser iba lending nung nisung ka asüba police osang ajanga metetdaktsü.
Iba osangji angashia Mokokchung police den osang agitepba mapang ashiba agi, local taxi No NL 02 T 0919 driver Mongtuba (20) Chang den passenger Sentiyangla (25) tena police point leni aiterba gariji brake rakar len kübok saklep (feet) 80 shi meküpoka ai, ta osang jangogo.
Gari tzükokbaji ngua idangjisa kiyongertem aser police-tem adenshia teyirurtemji tekaraba nung anepalua Mokokchung IMDH mozüki bushia tongtsü. IMDH nung doctor aser nurse-temi kanga meranga anepaluba sülen driver-bajibo IMDH nungji mozü agia mungdaki, saka passenger Sentiyanglabo kanga mejungi yiru asünung, tangaleni anir aoba mapang tia majung lenmang tom (New Camp anasa) la taküm tembang, ta osang ajanga angazüker.