FIFA World Cup 2018: Morocco nungi asayar 17 tanga linük nung aso

Aami/June 15, 2018 (Agencies): Morocco nungertem FIFA World Cup nung tesüsa shilem agir küm 20 junger taküm Russia nung iba football asayamung nung shilem agitagi.
Taküm iba asayamung nung parnoki taoba mapang dang nungi tajungba asayatsü terenemshiba nung taonung Iran den asayar, saka parnok group nung Portugal aser Spain lir, aser parnoki Round of 16 tongtettsü asoshi sayatenya ka nüngdaker.
Morocco nunger asayar 23 ya kanga takotet lir saka parnok rongnung asayar trok dang par linük nung aso. Par team nung asayar 17 bo tanga linük nung asoba lir aser iba ajanga shidakbabu par telok ya bendanglen nungi bener aruba amai adoker.
Parnok asayar 17 rongnungi parnok pongu Dutch/Netherlands nung aso aser parnok ti (8) France nungi lir.
Iba team nem totuyuba aser osang balala agütsüba mapang oshi asem amshir (English, French aser Arabic) ta New York Times ajanga ashi.
Item asayartemji yamai alitsü:
Yassine Bounou (Canada), Achraf Hakimi (Spain), Monir El Kajoul (Spain), Manuel Da Costa (France), Mehdi Benatia (France), Romain Saiss (France), Amine Harit (France), Youssef Ait Bennasser (France), Khalid Boutaib (France), Younes Belhanda (France), Faycal Fajr (France)
Hakim Ziyach (Netherlands), Mbarek Boussoufa (Netherlands), Noureddine Amrabat (Netherlands), Sofyan Amrabat (Netherlands), Mehdi Carcela (Netherlands).
Maneni Senegal aser Tunisia nungia asayar ti (8 each) tanga linük nung asortem lir.